آراء حرة
أمي ماغبتي عن عيني
أمي ماغبتي عن عيني
شعر: سامي القريني
أمي ماغبتي عن عيني
رُحتي وسيبتيني
باقيه جراح
في القلب وذكريات
لسه بأغنيلك
وأضحك معاكي
بحب وآهات
يوماتي وياكي نتكلم سوا
من غير ما أخبي حاجات
بأحكي حاجات تِفرحك
وأخبي آلامي عنك
وكتير منغصات
زيارتي ليكي يوميه
يا أحلي صبحيه
شايفاكي لسه عينيه
قدامي عايشه حيه
بأسمعك تناديني
لسه بتفهميني
يا ست الستات
لا أولاد ولا زوجه
ولا عدش ليا أصحاب
بعدك ولا قبلك
العمر بعدك فات
حياتي بعدك عدم
كل اللي باقي ندم
عن وقت ضيعته
من غير ما أكون وياكي
كلي انتظار رؤياكي
لوقت لقياكي مع رب
كريم غفور رحمن
والوقت جاي وآت
سنين آيام ساعات
