صاحبك لو خذلك
شعر : سامي القريني
جري بسرعه وسيبه قوام
صاحبك لو خذلك
إديه ظهرك وروح نام
عيشتك من غيره
حاتبقي تمام
لو كان ملياردير
أو صاحب مركز
عمره ما حايجيبك قدام
صاحب الشهم ولو غلبان
تلاقيه جنبك في أي صدام
اللي يبيعك مره بيعه
بسرعه وانت الكسبان
أصله مالوهش أمان
ولا تقبل منه أعذار وكلام
أصله جبان طالما خان
ده معرفته تقف بخساره
قُربه ومعرفته حرام
اللي يحاول مره يهينك
حتي لو كان دينه من دينك
مهما قدامك .. صلي وصام
ابعد عنه سيبك منه
ده مايفهمش في الإسلام
اتقي شره شيطانه غره
عرفه قده وقفه حده
بشياكه وقوه
مخلوطه بإحترام
إضحك للعالم حواليك
مهما كان اللي فيك
تلاقي ربك يراعيك
الناس الطيبه حواليك
تعيش بسعاده و سلام
لما تكون أخلاقك حلوه
ماشي في طريقك دوغري
إما أصحاب حواليك بتحبك
وإما هجر جميل وخصام
عمر الندل ماراح يستجدع
إنساه كأنه ماكان فحياتك
إنقذ نفسك إحفظ ذاتك
إصلاحه مجرد اوهام
