حلمي لسه ما حققتوش
شعر:سامي القريني
حلمي لسه ما حققتوش
ماكانش قصور ورصيد وفلوس
أحلامي كانت أبسط بكتييير
شعر موسيقي وأعيش بهدؤ
أصل قدرنا مش إختيارنا
ذنب غيرك ماتشيلوش
علي الشر ماتساعدوش
الناس بقت طماعه ووحوش
اللي مستكتر عليك حالك
شيله من مخك ما تشوفوش
ريح بالك وإبعد عنه
سيبك منه واللي زيه
دي الدنيا كلها فنكوش
في لحظه مرض يأذيك
وإنت شايف نفسك منفوش
لما طمعك يطغي عليك
مصايب بس حاتجيك
بالهم حاتبقي مدووش
واللي تكيد له وتمكر بيه
مع ربه ولا سائل فيك
عايش مبسوط فرفوش
مهما حصله وحد قاله
ودماغك مشغول منكوش
اصل الحقد بيحرق صاحبه
الحزن ساكن في قلبه
يبقي معاه ويقول ماعهوش
محروق ملعون مش راضي
عالارزاق عامل فيها قاضي
والغلاوي أنا ما أعرفهوش
صاحب القلب الإسود شر
مفيش وراه إلا المُر
ابعد عنه ماتصحبوش
لو كرر أذاك ماتستحون
أصل حياتنا دي إختبار
رحله ختامها جنه ونار
إحنا مابينهم اللي بنختار
طريق الجنه بالرضا مفروش
طريق النار طمع وعروش
مال حرام مالي الكروش
