آراء حرة
بنعرف ونقابل في حياتنا كتير
شعر: سامي القريني
بنعرف ونقابل في حياتنا كتير
ده محترم وده سافل بذئ حقير
ده يتمني لك الخير والسعاده
وده حقود وده حاسد شرير
ده صادق وده فارس او كداب كبير
شكراً يا أزمه بينتي ده بطل وده خنزير
ناس ناكره وناس عندها تقدير
الغلبان عزيزه نفسه نايم عالحصير
ملياردير بخيل وعامل كريم ووزير
متواضع أو شايف نفسه لابس حرير
ناس ماتعرفهاش تلاقيها حواليك بتطير
تغطيك تحميك علشانك تروح مشاوير
ناس عاشرتها عمرك منها تستجير
ناس أصيله لا بتحسد ولا بتغير
الناس معادن حديد يصدي
دهب يلمع يزيدك قامه أو قصدير
زينه الرجال الأدب ..والأديب أمير
اللي في نفسه مرض ابعد عنه خطير
مالوش علاج حذرتك سيبك منه
بيعه إجري خد بعضك وطير
