آراء حرة
أه من الطمع
شعر سامي القريني
أه من الطمع
ملعون أبوك يا طمع
ملاعين الطماعين
وحوش عالارض ماشيه
بشر و مفترسين
باعوا الغالي بالرخيص
أكل الحرام بقي عادي
لسه كمان عايزين
ينهشوا فلحمنا
بيمصوا فدمنا
وفاكرينا مش فاهمين
عازينا مبسوطين
ياويلنا لو قلنا آه
يدونا وش تاني
يحرمونا الأماني
مطلوب نبوس أيديهم
لأجل ننول رضاهم
وهمه
مالنا مغتصبين
ناس تموت في السِجون
وناس تموت عايشيين
مهما يزيد مالهم
يفضلوا جعانين
ماهو أصلهم واطيين
تلاقيهم نبع نداله
شُرفا علينا عاملين
ملعون ابوك يا طمع
ملاعين يا طماعين
يوم الحساب قرب
وإحنا بنتغرب
عدل الكريم مستنيين
