شعر: سامي القريني
دنيا
دنيا فيها كل حاجه
وهي فطشه ولا حاجه
هي بس دار مطامع
اللي زاهد واللي طامع
دنيا إختبار للنفوس
كله يجري ورا الفلوس
بالحلال يحني وبحرام جامع
خسيس جعان شِبع برضه ضايع
أصيل عزيز إتهان
معاه سبع صنايع
بعِزه نفسه قام رجع كما سلطان
الكل بيه سامع
أصل العزيز لو ذَل عُمره مايتذل
يقوم لرأسه رافع
زحمه الناس في الملاهي
وناس قايمه في جوامع
اللي سكران واللي ساهي
واللي قاعدين عالمقاهي
واللي للي الآدان مستني
ولقران الفجر سامع
دنيا مفترق طريق
انت بتختار النهايه والرفيق
إما فرحه بجنه عاليه
إما عيونك آبار مدامع
انت بتختار الجروب
والرفاق والدروب
التقي الطيب
وألا فلتان و ألا صايع
انت بتختار المسار
إما جنه و إما نار
انت بتنقي المصير
فيوم ماحد لحد شافع
