آراء حرة
سلام يأمي
سلام يأمي
شعر: سامي القريني
سلام يأمي
سكت الكلام وبدأ همي
بقيت من غير سلاح يحميني
إترفع الغطا
بقي مستباح للعِدا دمي
خدتي معاكي الامان
رحتي وراح الحنان
ماليش مكان
في الدنيا ديه
ماعدش ينفع لا خالي ولا عمي
لا أصحابي واولادي
يجبُروا غيابك
انت اللي كنتي بتحني وتضُمي
لما الأعادي يقطعوني بتلمي
تعيدي تكويني تقويني ترجعيني
تًرَكبي أجزائي أسد مِتغَمي
مفيش في قلبه خوف
ماينكر المعروف
مايهمهوش ظروف
يأكل اعدائه ويسمي
سقط الدرع اللي كان بيحميني
إتكشف صدري
حياتي بقت متلخبطه
روحي فيكي متشعبطه
خلصت أيام الزأططه
وبقيت وحيد ضعيف
عيوني شايفه الدنيا مخططه
مفيش وضوح
مليان جروح
قلبي بينزف ذكريات
نبضي الم ..صمتي آهات
أنفاسي نار حرّاقه مشطشطه
إد ايه بقت الدنيا من غيرك
متغيره تافهه صغيره
سلام يا أمي
