آخر الأخبار
نهرب للفرحه
نهرب للفرحه
شعر : سامي القريني
يللا نهرب للفرحه
من وسط الاحزان
يللا نصطاد الاماني
وأحلي المعاني
من شِبَاك القلق والمشكلات
حانوصل للأمان
يللا نعشق حالنا زي ماهو
نحارب بقوه
النجاح عنوان
إوعوا تلعنوا الواقع
إوعوا تِسِبوا الزمان
إحنا اللي بنصنع مشاعرنا
بالإراده ماللي كان كان
أوعي تفتح للأسي
في نفسك دكان
تبيع فيه للي حواليك
ألم ويأس وأشجان
إوعي تسيب نفسك
لتيار إلإكتئاب
لتنفِجِر في نفسك
كما البركان
قاوم إنت قوي
أقوي من خيالك
خليك من الفِرسان
إنت بس اللي ممكن
تصنع لنفسك كيان
لا المال ولا الأهل ولا الإخوان
انت مَلِك نفسك والسلطان
حياتك بإيدك وحدك
إزرع جواك أشجار أمل
وورود محبه وثقه
كون في الحياه إنسان
حرر نفسك من وحش وهمي
عاوز يأسرك برغبات حيوان
عاوز كل حاجه بدون أخلاق
طمعان جعان خسيس جبان
الدنيا إتخلقت علشانك صحيح
خَليها في إيدك تجيلك جري
وتملكها كمان
