لو حسيت يوم ان الدنيا ظلماك

شعر سامي القريني

لو حسيت يوم ان الدنيا

ظلماك وجايه عليك

السعاده كل ماتقرب في حلمك

تهرب من بين إيديك

إنك لوحدك والإكتئاب خفافيش

ليل نهار بتحوم حواليك

تعبان زهقان ..من جواك بتصرخ

بآلام مش عارف منين بتجيك

ضغوط الحياه سكاكين

بتقطع الأمل جايبه آخر اللي فيك

الناس اللي كانت جميله

بتتحول ديابه بتعاديك

بتسرق فرحه عينيك

حظك وحش مهموم والهموم

كل ما تهرب منها بتناديك

تعبان حاسس انك مفيش فيك

طاقه مقاومه الهزيمه بتناديك

إعرف إن الغلط منك

من عشم في غير محله

روح لعزمك قُله قوم

انفض غبار ضعفك

ارفع اليأس من فوقيك

إتسلح بثقتك بنفسك

بإيمان ان ربنا حاميك

بعقيده إن ماحدش

حاياخد اللي ليك

أُهجر اي حد خانك بنظره

سكت عن كلمه اتقالت عليك

صاحب بس اللي شاريك