آراء حرة
وحشتيني يا أمي
وحشتيني يا أمي
شعر سامي القريني
وحشتيني يا أمي
ياكل الدنيا ديه
انتي وبس اللي ليا
مالسما احلي هديه
أمي ياغاليه عليا
رحتي وراحت السعاده
ماعديتش العيشه هنيه
ناقصني الف حاجه
لما يسألوني
ما أعرفش إيه هيه
تايه ما أعرفش ليه
ماأعرفش غير إني
غرقان في دموع عينيه
لحد مابقت محيط
بأمواج شديده عفيه
عطشان لرؤياك
وقعده واحده معاك
ساعه دقيقه ثانيه
العالم كله كوم
وانتي حاجه تانيه
واحشاني كتير يأمي
ياشايله كل همي
حبك يجري فدمي
باجيلك كل يوم
تشيلي عني الهموم
أروح مافي نوم
أفضل أدور عليكي
علشان أبوس رجليكي
أبكي تاني عليكي
واحشاني كتير يا أمي
